Monday, January 12, 2015

तुझे गीत गाण्यासाठी

तुझे गीत गाण्यासाठी 

तिन्ही लोक आनंदाने भरून गाउ दे रे 
तुझे गीत गाण्यासाठी सूर लावू दे रे 

शुभ्र तुरे माळून आल्या निळ्या निळ्या लाटा
रानफुले लेवून सजल्या या हिरव्या वाटा
या सुंदर यात्रेसाठी मला जाऊ दे रे 

मोर केशरांचे झुलती पहाटेस दारी
झऱ्यातुनी दिडदा दिडदा वाजती सतारी 
सोहळ्यास सौंदर्याच्या तुला पाहू दे रे 

शांत शांत उत्तररात्री मंद मंद तारे
तुझे प्रेम घेउनी येती गंधधुंद वारे
चांदण्यात आनंदाच्या मला न्हाऊ दे रे

एक एक नक्षत्राचा दिवा लागताना
आणि फुले होण्यासाठी कळ्या जागताना
पौर्णिमा स्वरांची माझ्या तुला वाहू दे रे

गीत - मंगेश पाडगावकर
संगीत - यशवंत देव
स्वर - सुधीर फडके

No comments:

Post a Comment

खेळाचे पत्ते (भाग २ ) - श्री. मकरंद करंदीकर

गंमतीदार पत्ते, गंजिफा खेळ, नियम, इतिहास !!  # amazing_playing_cards   गेल्या शनिवारी याचा पहिला भाग प्रसिद्ध झाल्यावर खूप जणांनी त्याचे क...